Milanning "Inter" klubi "Portu" hujumchisi Mehdi Taremi bilan shartnoma imzolash ustida ishlamoqda.
"Neradzurrilar" kuzdan beri eronlik futbolchiga asosiy da’vogarlar sanaladi. Forvard "Portu" bilan joriy yilning iyun oyida tugaydigan shartnomasini uzaytirmoqchi emas, milanliklar esa futbolchining transferini erkin agent sifatida rasmiylashtirishni kutishmoqda.
FCInterNews nashri xabar berishicha, shu haftada 31 yoshli futbolchining agenti "Inter" vakillari bilan muzokaralar olib borish uchun Milanda ko‘zga tashlandi. Mehdi Taremi bu mavsumda “Portu” safida 24 ta o‘yinda maydonga tushib, 6 ta gol va 4 ta golli uzatmaga mualliflik qilgan.
