OKMK jamoasi bo‘lajak mavsum oldidan seleksiya ishlarini jadallik bilan olib bormoqda va klub tarkibdagi shartnomasi tugagan futbolchilar bilan o‘rtadagi bitimni uzaytirish borasida muzokaralarga kirishgan.
Klub matbuot xizmati xabarida aytilishicha, Dilshodbek Ahmadaliyev bilan shartnoma uzaytirilgan. Kelishuv muddati 2 yilga mo‘ljallangan. Dilshodbek Ahmadaliyev 2025 yilgi mavsum yakuniga qadar OKMK jamoasi sharafini himoya qiladi.
"Tajribali va mahoratli futbolchimizga jamoamiz safidagi faoliyatiga muvaffaqiyatlar tilaymiz!", - deyiladi klub xabarida.