Kataloniyaning “Barselona” klubi sardori Sergi Roberto kelasi yozda katta ehtimol bilan erkin agentga aylanadi.

Jurnalist Ferran Martinesning ma’lumotlariga ko‘ra, futbolchining xizmatlariga ko‘plab klublar qiziqish bildirmoqda, biroq yarim himoyachining o‘zi hali faoliyatini davom ettirish uchun afzal ko‘rgan varianti borasida bir qarorga kelmagan.

Eslatib o‘tamiz, avvalroq Roberto "Barselona"da qolishni istayotgani va buning uchun maoshini yana qisqartirishga tayyorligi haqida xabar berilgan edi.

Biroq Kataloniya klubi Serxining kelasi yozda tugaydigan shartnomasini hali uzaytirishni rejalashtirmayapti.

Joriy mavsumda Roberto Ispaniya La Ligasida 6 ta o‘yinda maydonga tushib, 3 ta gol urdi va 1 ta golli uzatmani amalga oshirdi.