Hujumchi Antoni Marsyal «Manchester Yunayted» bilan amaldagi shartnomasini ishlab chiqishga qaror qilgan ko‘rinadi.
The Athletic nashrining yozishicha, 28 yoshli fransiyalik futbolchi Saudiya klublari bilan variantlarni rad etgan.
Ko‘rinib turibdiki, Marsyal mavsumni «Manchester Yunayted»da yakunlab, shundan keyingina yangi jamoa tanlamoqchi.
Avvalroq, «qizil iblislar» forvard bilan shartnomani uzaytirmasligi ma’lum bo‘lgandi. 2023/2024 yilgi mavsumda Antoni Marsyal 19 ta o‘yin o‘tkazdi.
Ularda fransiyalik hujumchi ikkita gol urdi va jamoadoshlariga ikkita golli uzatmani amalga oshirdi.
