“Milan” yarim himoyachisi Rade Krunich faoliyatini Turkiyada davom ettirishi mumkin.

Jurnalist Fabrisio Romanoning so‘zlariga ko‘ra, Istanbul klubi Leonardo Bonuchchi bilan kelishuvdan so‘ng, "rossonerilar" yarim himoyachisi bo‘ladigan navbatdagi transferga yaqin turibdi. Bitim summasi bonuslarni hisobga olgan holda 4,5 million yevroni tashkil qiladi.

Avvalroq Calciomercato nashri Moskva klubi 30 yoshli futbolchini o‘z safiga qo‘shib olmoqchiligi va joriy transfer oynasida uning Rossiyaga o‘tishi bo‘yicha taklif bilan chiqishga tayyorligi haqida xabar bergan edi. Biroq Metaratings.ru bu ma’lumotni rad etdi.

Joriy mavsumda bosniyalik futbolchi “Milan” safida barcha turnirlarda 14 ta o‘yin o‘tkazdi va birorta ham gol ura olmadi. Transfermarkt portali futbolchining narxini 8,5 million yevroga baholamoqda.