Yarim himoyachi Matteo Politano "Napoli" bilan yangi mehnat shartnomasini imzolashi mumkin. Bu haqda jurnalist Fabrisio Romano ijtimoiy tarmoqlar orqali xabar bermoqda.
Manba bergan xabarga ko‘ra, Neapol klubi rahbariyati bitimni yakunlash uchun barcha kerakli hujjatlarni tayyorlab qo‘ygan.
Tomonlar o‘rtasidagi yangi shartnoma uch yarim yilga mo‘ljallangan. Avvalroq Politanoga "Ash-SHabab" qiziqish bildirgani, ammo futbolchi Saudiya Arabistoni chempionatiga o‘tishdan bosh tortgani haqida xabar berilgandi.
Matteo 2020 yildan beri "Napoli" sharafini himoya qilib kelmoqda. Joriy mavsumda yarim himoyachi 25 ta o‘yin o‘tkazib, 6 ta gol urdi va 4 ta golli uzatmani amalga oshirdi. Uning amaldagi shartnomasi 2025 yilning yozida yakuniga yetadi.
