"Midlsbro" yarim himoyachisi Xeyden Xakni "Liverpul"ning transfer maqsadiga aylangan.

Insayder Ekrem Konurning ijtimoiy tarmoqlar orqali xabar berishicha, mersisaydliklar joriy transfer oynasida futbolchining transferini rasmiylashtirishni rejalashtirmoqda.

Yaqin orada Premyer-liga yetakchisi 21 yoshli futbolchini transfer qilish taklifi bilan chiqadi. "Liverpul" umidli yarim himoyachini qo‘lga kiritish uchun favorit sanaladi.

Xeyden "Midlsbro" akademiyasining mahsuli hisoblanadi. Joriy mavsumda yarim himoyachi 22 ta uchrashuvda ishtirok etib, 2 ta gol urdi va bitta golli uzatmaga mualliflik qilgan.

Futbolchining klub bilan tuzgan mehnat shartnomasi 2027 yilning o‘rtalariga qadar mo‘ljallangan va uning bozor narxi yetti million yevroga baholanmoqda.