"Мидлсбро" ярим ҳимоячиси Хэйден Хакни "Ливерпул"нинг трансфер мақсадига айланган.
Инсайдер Экрем Конурнинг ижтимоий тармоқлар орқали хабар беришича, мерсисайдликлар жорий трансфер ойнасида футболчининг трансферини расмийлаштиришни режалаштирмоқда.
Яқин орада Премьер-лига етакчиси 21 ёшли футболчини трансфер қилиш таклифи билан чиқади. "Ливерпуль" умидли ярим ҳимоячини қўлга киритиш учун фаворит саналади.
Хэйден "Мидлсбро" академиясининг маҳсули ҳисобланади. Жорий мавсумда ярим ҳимоячи 22 та учрашувда иштирок этиб, 2 та гол урди ва битта голли узатмага муаллифлик қилган.
Футболчининг клуб билан тузган меҳнат шартномаси 2027 йилнинг ўрталарига қадар мўлжалланган ва унинг бозор нархи етти миллион еврога баҳоланмоқда.
