Diyorbek O‘rozboyev yoshlar terma jamoasi murabbiyiga aylandi.
Bu haqda O‘zbekiston dzyudo federasiyasi matbuot xizmati xabar berdi: “Rio-2016” XXXI yozgi Olimpiada o‘yinlarining bronza medali sohibi, “Jakarta-2018” Yozgi Osiyo o‘yinlari g‘olibi, Osiyo chempionati sovrindori va yana ko‘plab xalqaro turnirlar g‘olib hamda sovrindori Diyorbek O‘rozboyev endilikda dzyudo bo‘yicha O‘zbekiston yoshlar terma jamoasida murabbiy bo‘lib faoliyat yuritadi.
Xorazmlik sportchimiz o‘z bilim va ko‘nikmalari hamda tajribasini yoshlarimiz bilan o‘rtoqlashadi.
Umid qilamizki uning qo‘l ostida dzyudochilarimiz jahon arenalarida o‘tkaziladigan musobaqalarda munosib ishtirok etib, yorqin g‘alabalar qayd etishadi!
O‘zbekiston dzyudo federasiyasi oilasi Diyorbekning sharafli shu bilan birga mas’uliyatli kasbida unga muvoffaqiyat tilaydi!