"Barselona" Ispaniya Superkubogi yarim finalida "Osasuna"ni mag‘lub etdi - 2:0.

Uchrashuv Ar-Riyoddagi (Saudiya Arabistoni) “Al Avval Park” stadionida bo‘lib o‘tdi.

Kataloniyaliklar hujumchisi Robert Levandovski 59-daqiqada hisobni ochdi. O‘yin yakunida 16 yoshli Lamin Yamal “Barselona” ustunligini ikkitaga oshirdi.

Xavi shogirdlari Ispaniya Superkubogi finaliga chiqdi va u yerda yarim finalda "Atletiko"ni mag‘lub etgan (5:3) "Real" bilan o‘ynaydi. Hal qiluvchi uchrashuv 14 yanvar kuni bo‘lib o‘tadi.

Barselona – Osasuna 2:0 (0:0, 2:0)
Gollar: 1:0 – 59 Levandovski, 2:0 – 90 Yamal.
Barselona – Penya, Kunde, Kristensen, Arauxo, Balde, Serdji Roberto (Pedri, 61), Gyundogan, de Yong, Rafinya (Yamal, 42), Ferran Torres (Joau Feliks, 61), Levandovski.
Osasuna – Errera, Areso, Xuan Krus (Barxa, 85), David Garsiya, Katena, Penya (Moxika, 78), Moyses Gomes (Ruben Garsiya, 85), Oros, Munyos (Monkayola, 70), Arnais (Raul Garsiya, 70), Budimir.
Ogohlantirishlar: Katena (32), Munyos (39), Arnais (56).