"Barselona" sport direktori Deku Joau Feliksning muammolari haqidagi mish-mishlarni rad etdi.
"Atletiko"dan ijaraga olingan portugaliyalik hujumchi asosiy tarkibdagi doimiy o‘rnini yo‘qotdi. Matbuotda Feliksning o‘yinidan Xavi Ernandes norozi bo‘layotgani, shuningdek, "Barselona"ning futbolchini sotib olishdan bosh tortish niyati haqidagi mish-mishlar tobora ko‘payib bormoqda. Superkubokning yarim finalidan o‘rin olgan “Osasuna”ga qarshi o‘yinda (2:0) Feliks 61-daqiqada zaxiradan maydonga tushdi va o‘yin oxirida samarali uzatmani amalga oshirdi.
"Xavi Feliksni maydonga tushirish yoki tushirmaslikni hal qiladi. Joau butun mavsum davomida muhim rol o‘ynadi va u bugun yana o‘zining mahoratini ko‘rsatdi. U zaxiradan maydonga tushganidan keyin to‘g‘ri munosabat va ajoyib o‘yin ko‘rsatdi", - dedi Deku Managing Barca bilan suhbatda.
