"Барселона" спорт директори Деку Жоау Феликснинг муаммолари ҳақидаги миш-мишларни рад этди.

"Атлетико"дан ижарага олинган португалиялик ҳужумчи асосий таркибдаги доимий ўрнини йўқотди. Матбуотда Феликснинг ўйинидан Хави Эрнандес норози бўлаётгани, шунингдек, "Барселона"нинг футболчини сотиб олишдан бош тортиш нияти ҳақидаги миш-мишлар тобора кўпайиб бормоқда. Суперкубокнинг ярим финалидан ўрин олган “Осасуна”га қарши ўйинда (2:0) Феликс 61-дақиқада захирадан майдонга тушди ва ўйин охирида самарали узатмани амалга оширди.

"Хави Феликсни майдонга тушириш ёки туширмасликни ҳал қилади. Жоау бутун мавсум давомида муҳим роль ўйнади ва у бугун яна ўзининг маҳоратини кўрсатди. У захирадан майдонга тушганидан кейин тўғри муносабат ва ажойиб ўйин кўрсатди", - деди Деку Managing Barca билан суҳбатда.