"Chelsi" hujumchisi David Datro Fofana ijara asosida "Byornli"ga o‘tishga yaqin turibdi.
21 yoshli futbolchi mavsumning birinchi yarmini "Union Berlin"da o‘tkazdi. Yaqinda "Chelsi" ivuarlik futbolchini yana ijaraga berish uchun chaqirib oldi, bu safar Angliyaga. Jurnalist Florian Plettenberg xabariga ko‘ra, "Byornli" Fofananing transferi shartlari bo‘yicha og‘zaki kelishuvga erishgan. Forvard mavsumning qolgan qismini "Byornli" safida o‘tkazadi. Tibbiy ko‘rik keyingi ikki kun ichida o‘tkaziladi.
"Chelsi" David Datro Fofanani 2023 yilning boshida Norvegiyaning "Molde" klubidan sotib olgandi. "Union" tarkibida futbolchi 17 ta o‘yinda ikkita gol va bitta golli uzatmani amalga oshirdi.
