"Челси" ҳужумчиси Давид Датро Фофана ижара асосида "Бёрнли"га ўтишга яқин турибди.
21 ёшли футболчи мавсумнинг биринчи ярмини "Унион Берлин"да ўтказди. Яқинда "Челси" ивуарлик футболчини яна ижарага бериш учун чақириб олди, бу сафар Англияга. Журналист Флориан Плеттенберг хабарига кўра, "Бёрнли" Фофананинг трансфери шартлари бўйича оғзаки келишувга эришган. Форвард мавсумнинг қолган қисмини "Бёрнли" сафида ўтказади. Тиббий кўрик кейинги икки кун ичида ўтказилади.
"Челси" Давид Датро Фофанани 2023 йилнинг бошида Норвегиянинг "Мольде" клубидан сотиб олганди. "Унион" таркибида футболчи 17 та ўйинда иккита гол ва битта голли узатмани амалга оширди.
