Myunxenning "Bavariya" klubi "Barselona" futbolchilariga qiziqishda davom etmoqda.
Todofichajes nashri so‘zlariga ko‘ra, himoyachi Jyul Kunde va darvozabon Mark-Andre ter Shtegen nemis top-klubining diqqat markazida. Eslatib o‘tamiz, avvalroq "Bavariya" "ko‘k-anorranglilar" markaziy himoyachisi Ronald Arauxoga qiziqish bildirayotgani haqida xabar berilgandi.
Kundening "Barselona" bilan shartnomasi 2027 yilning iyun oyi oxirigacha tuzilgan. Futbolchining transfer qiymati 60 million yevroga baholanmoqda.
Ter Shtegenning shartnomasi 2027/2028 yilgi mavsum oxirigacha amal qiladi. Uning transfer narxi 35 million yevro.