Hamed Traore Italiya chempionatiga qaytishga yaqin turibdi.
Insayder Fabrisio Romano xabariga ko‘ra, "Bornmut" yarim himoyachisini "Napoli" ijaraga olmoqchi. Neapolliklar allaqachon rasmiy taklif yuborishgan va o‘tish shartlarini deyarli kelishib olishgan.
Italiya jamoasi futbolchini iyun oyida 25 million yevroga sotib olish huquqiga ega bo‘ladi. Agar bu band faollashtirilmasa, "Napoli" "Bornmut" uchun ijara to‘lovini to‘lashi kerak bo‘ladi.
Avvalroq “Sassuolo” va “Empoli” klublarida to‘p tepgan Traore 2023 yildan beri APLda o‘ynamoqda. Joriy mavsumda u chempionatda 3 ta o‘yin o‘tkazdi.