“Al-Ittifoq” yarim himoyachisi Jordan Xenderson Yevropaga qaytishi mumkin. Jurnalist Janluka Di Marsio xabariga ko‘ra, "Yuventus" 33 yoshli ingliz futbolchisini ijaraga olish borasida muzokaralar olib bormoqda.
Xenderson o‘tgan yozda "Liverpul" libosida 12 yil o‘ynaganidan so‘ng "Al-Ittifoq"ga o‘tgan edi. Endi futbolchi Yevropaga qaytmoqchi.
Saudiya klubi safida Xenderson barcha musobaqalarda 19 ta o‘yin o‘tkazib, 5 ta golli uzatmani amalga oshirdi.