1 mart kuni futbol bo‘yicha O‘zbekiston Superligasining yangi mavsumi start oladi. Unga MOQ qoshidagi “Olimpik” klubi ham qizg‘in hozirlik ko‘ryapti. Timur Kapadze qo‘l ostidagi jamoa shu kunlarda Toshkentda yig‘in o‘tkazmoqda.
Rejaga ko‘ra, “Olimpik” bir necha kundan so‘ng Turkiya yig‘iniga jo‘nab ketadi. Unda yangi mavsumga hozirlik ko‘rishdan tashqari Olimpiya terma jamoasiga nomzod futbolchilar ham ko‘zdan kechiriladi. Hozirgi yig‘inda murabbiylar shtabi o‘yinchilarning jismoniy holatini yaxshilashga e’tibor bermoqda.