"Bavariya" hujumchisi Xarri Keyn jamoa bosh murabbiyi Tomas Tuxel haqida o‘z fikrlari bilan o‘rtoqlashdi.
Jurnalistlar angliyalikdan hozirgi ustozini avvalgilari, jumladan Maurisio Pochettino, Joze Mourinyo va Antonio Konte bilan solishtirishni so‘rashdi.
“Har bir murabbiy individual alohida nom degani. Tomas ajoyib taktik g‘oyalarga ega va u qanday futbol ko‘rishni xohlashini biladi.
U jamoa muhitiga juda ko‘p energiya va ishtiyoq olib keladi. Men Tuxelni tinglashni, undan o‘rganishni yaxshi ko‘raman.
Biz futbol haqida ko‘p gaplashamiz, o‘yinlarni, uning menga qo‘yadigan talablarini muhokama qilamiz.
Yakunda, maqsadlarimiz mushtarak – biz chempionlik va Chempionlar ligasida g‘alaba qozonishni istaymiz.
Qanchalik ko‘p muloqot qilsak va bir-birimizga yordam berishga harakat qilsak, muvaffaqiyatga erishish imkoniyati shunchalik ko‘p bo‘ladi", - deya Keynning so‘zlarini keltiradi Bayern and Germany.
