"Milan" bosh murabbiyi Stefano Pioli "Roma" ustidan qozonilgan g‘alabadan keyin (3:1) jurnalistlar savollariga javob berdi.
“Rossonerlar” rimlik mehmonlarni Yasin Adli, Olivye Jiru va Teo Ernandesning 11, 56 va 84-daqiqalarda kiritgan gollari evaziga mag‘lub etishdi.
“Roma” safida Leandro Paredes 69-daqiqada penaltini golga aylantirdi.
“Hisob 2:1 bo‘lganida hamma narsa bo‘lishi mumkin. Uchinchi golni urish imkoniyatini erta qo‘ldan boy berdik, ammo baribir, xayriyatki, buni uddaladik.
To‘g‘risini aytsam, menga aytilayotgan tanqidlar meni bezovta qilmayapti yoki xafa qilmayapti. Biz o‘zimiz so‘nggi to‘rt yil davomida natijalarimiz bilan umidlarni oshirdik.
Bizdan ko‘p narsa kutilayotgani ajablanarli emas. Oldinda ko‘plab o‘yinlar bor va bizda hali bu mavsumda o‘z qobiliyatlarimizni isbotlash imkoniyati bor”, - dedi Pioli.
