"Manchester Yunayted"ning yangi xo‘jayinlari o‘z oldiga jahon darajasidagi hujumchini sotib olishni maqsad qilib qo‘ygan. Insayder Nizar Kinsella xabariga ko‘ra, klub "Bavariya"dan Xarri Keynga teng keladigan hujumchini taklif qilmoqchi.
Erik ten Xag jamoasi uchun nomzodlar ro‘yxatida qaysi nomlar borligi hozircha noma’lum. Avvalroq mankunianliklar yangi shartnomasida tovon puli 130 million yevro bo‘lgan "Napoli" hujumchisi Viktor Osimxenga qiziqish bildirayotgan edi.
Eslatib o‘tamiz, yozda "Manchester Yunayted" Keynga qiziqqan edi, ammo "Tottenxem" hujumchini ingliz klubiga sotmoqchi emasdi.