Italiyaning “Milan” klubi yigirmanchi turda poytaxtning “Roma” klubini mag‘lub etib, g‘alaba qozondi.

Fransiyalik hujumchi Olivye Jiru maydonda juda faol bo‘lib, jamoasining ikkinchi golini urdi. U so‘nggi o‘yin natijalariga izoh berdi.

"Atalanta" bilan o‘yindan keyin o‘rnimizdan turish juda muhim edi, mag‘lubiyat bizni xafa qildi. Oldinda hali ko‘p o‘yinlar bor, biz o‘z ishimiz, chempionat va Yevropa ligasi haqida o‘ylashimiz kerak. Biz taslim bo‘lmaymiz”, - deya fransiyalik hujumchining so‘zlarini keltiradi pianetamilan.it.

Ayni damda “Milan” Italiya A Seriyasi chempionati turnir jadvalida uchinchi o‘rinni egallab turibdi.