"Tottenxem" hujumchisi Timo Verner London klubiga o‘tishga qaror qilganining asosiy sababini aytdi. Germaniyalik futbolchi bosh murabbiy Anj Postekoglu unda juda yaxshi taassurot qoldirganini ta’kidladi.
"Postekoglu bilan gaplashganimdan so‘ng, men ushbu guruhning bir qismi bo‘lishni, shu murabbiy qo‘l ostida o‘ynashni xohladim. Bu mening "Tottenxem"ga o‘tishga qaror qilganimning asosiy sababi edi. O‘yinimdan mamnunman, debyut yaxshi o‘tdi", - dedi Verner The Spurs Express bilan suhbatda.
"Tottenxem"dagi debyut uchrashuvida Verner "Manchester Yunayted"ga qarshi o‘yinda golli uzatmani amalga oshirdi. Timo bungacha ikki mavsumni Angliyada “Chelsi”da o‘tkazgan.
