"Chelsi" va Braziliya yoshlar terma jamoasi yarim himoyachisi Andre Santos faoliyatidagi omadsiz davri haqida gapirdi. Eslatib o‘tamiz, joriy mavsumning birinchi yarmida yarim himoyachi Angliyaning boshqa bir klubi - "Nottingem Forest"da ijara asosida o‘ynagandi.
"Nottingem"ga ko‘chib o‘tish butunlay mening tanlovim edi. Afsuski, hammasi men tasavvur qilganimdan butunlay boshqacha bo‘lib chiqdi. Nazarimda, tizimli o‘ynayman. Men ajoyib formada qolishga muvaffaq bo‘ldim. Biroq, murabbiy boshqacha fikrda edi, men uni hurmat qilaman. Endi men "Chelsi"ga qaytdim", - dedi Santos Globo bilan suhbatda.
Santos 2023 yil qishki transfer oynasida "Vasko da Gama"dan 12,5 million yevro evaziga "Chelsi"ga o‘tdi. Joriy mavsumda braziliyalik futbolchi "Nottingem" safida barcha musobaqalarda atigi ikkita o‘yin o‘tkazdi. Futbolchining London klubi bilan shartnomasi 2030 yilning iyun oyi oxirigacha amal qiladi.
