"Челси" ва Бразилия ёшлар терма жамоаси ярим ҳимоячиси Андре Сантос фаолиятидаги омадсиз даври ҳақида гапирди. Эслатиб ўтамиз, жорий мавсумнинг биринчи ярмида ярим ҳимоячи Англиянинг бошқа бир клуби - "Ноттингем Форест"да ижара асосида ўйнаганди.
"Ноттингем"га кўчиб ўтиш бутунлай менинг танловим эди. Афсуски, ҳаммаси мен тасаввур қилганимдан бутунлай бошқача бўлиб чиқди. Назаримда, тизимли ўйнайман. Мен ажойиб формада қолишга муваффақ бўлдим. Бироқ, мураббий бошқача фикрда эди, мен уни ҳурмат қиламан. Энди мен "Челси"га қайтдим", - деди Сантос Globo билан суҳбатда.
Сантос 2023 йил қишки трансфер ойнасида "Васко да Гама"дан 12,5 миллион евро эвазига "Челси"га ўтди. Жорий мавсумда бразилиялик футболчи "Ноттингем" сафида барча мусобақаларда атиги иккита ўйин ўтказди. Футболчининг Лондон клуби билан шартномаси 2030 йилнинг июнь ойи охиригача амал қилади.
