"Manchester Siti" vingeri Oskar Bobb bosh murabbiy Pep Gvardiola uning o‘yiniga qanday ta’sir o‘tkazishini tushuntirib berdi.

Eslatib o‘tamiz, norvegiyalik futbolchi Angliya premyer-ligasining joriy mavsumida 7 ta o‘yinda maydonga tushib, bitta gol va bitta golli uzatmaga mualliflik qilgan.

So‘nggi turda Bobb jamoasiga so‘nggi daqiqalarda "Nyukasl" ustidan irodali g‘alaba keltirdi (3:2).

"Ba’zida Gvardiolaning ishonchini ta’riflash qiyin. Uning asosiy xabarlaridan biri har doim tayyor bo‘lish va o‘z g‘oyangizni tom ma’noda maydonga chiqarishdir.

Qachon maydonga tushishingni u taxmin qiladi. Pepning jamoasida mashg‘ulotni xuddi asosiy o‘yinlarda bo‘lganidek bajarish kerak", - dedi 20 yoshli norvegiyalik.