Taniqli sport jurnalisti, sharhlovchi Davron Fayziyev Lionel Messi qanday qilib "The Best" sovrinini qo‘lga kiritganini tushuntirishga harakat qildi.
"France Football nomzodlarni 6 sentyabrda e’lon qilgan edi va 30 oktyabrda Oltin to‘pni Messiga topshirgan, savollar bo‘lmadi. Mavsum deb olindi.
FIFA nomzodlarni 14 sentyabrda e’lon qildi. Ko‘pchilik o‘sha kungi yondoshuv bilan ovoz berdi va yanvarda The Best’ni ham Messi oldi.
Muammo o‘tgan yilgi marosimda bo‘ldi aslida. FIFA jahon chempionatidan keyin so‘rov o‘tkazishga qaror qilgan va tabiiyki hamma 2022 yilniyu, Benzemani chetga surib, endigina JCH g‘olibi bo‘lgan Messini tanladi. Agar o‘tgan yili ham FIFA odatga muvofiq setyabrda o‘tkazganda hamma pazl joyiga tushardi. Ikki yilda ikki marta ovoz berish muddati va yil/mavsum kriteriylari o‘zgardi. Hamma chalg‘idi.
Eng optimal variant UYEFA kabi mavsum tugashi bilan yozda so‘rovnoma o‘tkazish va uzooq kutmasdan yangi mavsum boshlanguncha g‘oliblarni e’lon qilish. O‘shanda konkret bir mavsum olinadi. France Football tanqidlardan keyin shu yo‘lni tutmoqchi", - deb yozdi Fayziyev o‘z telegram-kanalida.
