Italiyaning “Milan” klubi va AQSH terma jamoasi futbolchisi Kristian Pulishich amerikaliklar 2026-yilgi o‘z uyida bo‘lib o‘tadigan jahon chempionatida dunyoga o‘z saviyasini ko‘rsatishni istashini aytdi.
“Biz ma’lum bir munosabat bilan o‘ynaymiz. Bu o‘yindan o‘yinga o‘sish kerakligini bildiradi. Albatta, maqsad jahon chempionatida g‘olib chiqish.
Har qanday jamoa o‘zi ishtirok etayotgan turnirda g‘alaba qozonishni istaydi. Bizda yaxshi yosh jamoa bor va bu biz uchun dunyoning eng zo‘rlariga qarshi o‘ynash va dunyoga nimaga qodir ekanimizni ko‘rsatish uchun ajoyib imkoniyatdir", - deya Pulishichning so‘zlarini keltiradi The Athletic.
