Italiyaning “Milan” klubi va AQSH terma jamoasi futbolchisi Kristian Pulishich “rossonerilar”ning joriy mavsumdagi o‘yini va maqsadlari haqida gapirdi.
A Seriyaning 20-turidan so‘ng “Milan” 42 ochko bilan turnir jadvalida uchinchi o‘rinda bormoqda. “Inter” peshqadam (51 ochko).
“Hali oldinda yarim mavsum bor. Biz hali ham oldinga borishda davom etamiz va qo‘limizdan kelganini qilamiz.
Hali kurashadigan narsamiz ko‘p. Biz hali ham Yevropa ligasida o‘ynaymiz. Bu mavsumda ligada hali ko‘p o‘yinlar bor, shuning uchun biz sodir bo‘layotgan voqealardan aslo tushkunlikka tushmayapmiz.
Biz pressingni davom ettiramiz, o‘yinlarda g‘alaba qozonamiz va umid qilamanki, muxlislarimizni g‘ururlantiramiz", - deya Pulishichning so‘zlarini keltirmoqda The Athletic.
