Mehdi Taremi yozda "Inter"ga o‘tishi mumkin.
Eronlik hujumchining “Portu” bilan shartnomasi mavsum oxirida yakuniga yetadi. “Inter” futbolchini erkin agent sifatida o‘z safiga qo‘shib olmoqchi.
La Gazette Dello Sport xabariga ko‘ra, o‘tgan hafta oxirida Taremi vakillari Milan klubi menejerlari bilan uchrashgan. Futbolchining o‘zi Turkiya va Saudiya Arabistoni klublarining qiziqishiga qaramay, A Seriyaga o‘tish uning ustuvor varianti ekanligini tasdiqladi.
Mehdi "Portu"ga shartnomani uzaytirmasligi haqida allaqachon ma’lum qilgan. Jamoa bosh murabbiyi Serxio Konseysau futbolchining ambisiyalarini tushunadi va unga xalaqit bermaydi.
Qayd etilishicha, hujumchi “Inter”ga Portugaliya fuqaroligini olishni rejalashtirayotgani haqida xabar bergan – buni mamlakatda 5 yil yashaganidan keyin amalga oshirish mumkin. Bu milanliklarga Mehdini Yevropa Ittifoqi o‘yinchisi sifatida ro‘yxatdan o‘tkazish imkonini beradi.
Portugaliya chempionatining joriy mavsumida Taremi 15 ta o‘yin o‘tkazib, 3 ta gol urishga muvaffaq bo‘ldi.