Londonning “Chelsi” klubi yarim himoyachisi Enso Fernandes muxlislarning umidlarini oqlashdan umidini uzmayapti. Bir yil avval argentinalik futbolchi Lissabonning “Benfika” klubidan “Stemford Brij”ga APL uchun rekord miqdorda – 121 million yevro evaziga o‘tgan edi.
“Birinchi olti oy men uchun qiyin kechdi, ammo yangi mavsumda hammasi osonlashdi. Ispan tilida so‘zlashadigan murabbiylar shtabiga ega bo‘lish hayotimni ancha osonlashtirdi. Men eng yaxshi darajamga erishish uchun harakat qilyapman. Umid qilamanki, men hali ham muxlislarning umidlarini oqlay olaman", - dedi Fernandes.
Bugun Fernandes 23 yoshga to‘ldi. Bu mavsumda Enso Premyer-ligada ikkita gol urdi.
