Лондоннинг “Челси” клуби ярим ҳимоячиси Энцо Фернандес мухлисларнинг умидларини оқлашдан умидини узмаяпти. Бир йил аввал аргентиналик футболчи Лиссабоннинг “Бенфика” клубидан “Стемфорд Бриж”га АПЛ учун рекорд миқдорда – 121 миллион евро эвазига ўтган эди.

“Биринчи олти ой мен учун қийин кечди, аммо янги мавсумда ҳаммаси осонлашди. Испан тилида сўзлашадиган мураббийлар штабига эга бўлиш ҳаётимни анча осонлаштирди. Мен энг яхши даражамга эришиш учун ҳаракат қиляпман. Умид қиламанки, мен ҳали ҳам мухлисларнинг умидларини оқлай оламан", - деди Фернандес.

Бугун Фернандес 23 ёшга тўлди. Бу мавсумда Энцо Премьер-лигада иккита гол урди.