Nigeriyalik sobiq futbolchi Jey Okocha "Liverpul" va Misr terma jamoasi hujumchisi Muhammad Saloh haqida gapirdi.
“Misr Afrika Millatlar Kubogining favorit maqomiga ega bo‘lgan jamoalardan biridir. Muhammad Saloh o‘z terma jamoasi bilan muvaffaqiyat qozonishni istaydi va bu unga va terma jamoaga bosim o‘tkazadi. Ammo siz buni foydangiz uchun ishlatishingiz kerak. Turnirda g‘alaba qozonish uchun gol uradigan va natijaga erishadigan jamoa kerak", - deya Okochaning so‘zlarini keltiradi King Fut.
Afrika Millatlar kubogi guruh bosqichining 1-turi doirasidagi o‘yinda Misr terma jamoasi Mozambik bilan durang o‘ynadi (2:2). Saloh so‘nggi daqiqalarda penaltini aniq amalga oshirdi va misrliklarni mag‘lubiyatdan qutqarib qoldi. Keyingi turda “fir’avnlar” Gana bilan uchrashadi.
