"Manchester Yunayted"ning 21 yoshli chap qanot himoyachisi Alvaro Fernandes Karreras ijara asosida Portugaliyaning "Benfika" klubiga o‘tdi, deb xabar beradi mankunianliklar rasmiy sayti.
Qayd etilishicha, ispaniyalik futbolchi Lissabon klubiga 6 million yevroga sotib olish imkoniyati bilan ijaraga o‘tgan. Fernandes “Benfika” o‘yinlarining 50 foizida maydonga tushsa, sotib olish bandi avtomatik ravishda faollashadi. Shartnoma, shuningdek, qayta sotib olish va keyingi sotish bo‘yicha foizlarni o‘z ichiga oladi.
Alvaro Fernandes 2023/2024 yilgi mavsumning birinchi qismini Ispaniyaning “Granada” klubida ijara asosida o‘tkazdi.