"Манчестер Юнайтед"нинг 21 ёшли чап қанот ҳимоячиси Альваро Фернандес Каррерас ижара асосида Португалиянинг "Бенфика" клубига ўтди, деб хабар беради манкунианликлар расмий сайти.
Қайд этилишича, испаниялик футболчи Лиссабон клубига 6 миллион еврога сотиб олиш имконияти билан ижарага ўтган. Фернандес “Бенфика” ўйинларининг 50 фоизида майдонга тушса, сотиб олиш банди автоматик равишда фаоллашади. Шартнома, шунингдек, қайта сотиб олиш ва кейинги сотиш бўйича фоизларни ўз ичига олади.
Альваро Фернандес 2023/2024 йилги мавсумнинг биринчи қисмини Испаниянинг “Гранада” клубида ижара асосида ўтказди.