"Real Sosyedad" yarim himoyachisi Mikel Oyarsabal klubini o‘zgartirishi mumkin. Bu haqda Mundo Deportivo xabar bermoqda.
Manbaga ko‘ra, Ispaniya terma jamoasi futbolchisining xizmatlariga "Manchester Yunayted" qiziqish bildirmoqda. Mankunianliklar rahbariyati Oyarsabal jamoa hujumini kuchaytirishiga ishonmoqda. Qayd etilishicha, ingliz klubi Mikelni San-Sebastyan jamoasidan 60 million yevroga sotib olish variantini faollashtirishi mumkin.
Joriy mavsumda Mikel Oyarsabal barcha rasmiy turnirlarda jami 26ta uchrashuvda ishtirok etdi. U 10 ta gol urdi va bitta golli uzatmani amalga oshirdi.