"Реал Сосьедад" ярим ҳимоячиси Микель Оярсабаль клубини ўзгартириши мумкин. Бу ҳақда Mundo Deportivo хабар бермоқда.
Манбага кўра, Испания терма жамоаси футболчисининг хизматларига "Манчестер Юнайтед" қизиқиш билдирмоқда. Манкунианликлар раҳбарияти Оярсабаль жамоа ҳужумини кучайтиришига ишонмоқда. Қайд этилишича, инглиз клуби Микелни Сан-Себастьян жамоасидан 60 миллион еврога сотиб олиш вариантини фаоллаштириши мумкин.
Жорий мавсумда Микель Оярсабаль барча расмий турнирларда жами 26та учрашувда иштирок этди. У 10 та гол урди ва битта голли узатмани амалга оширди.
