Bugun, 18 yanvar kuni O‘zbekiston futbol hakamlari markazida tajribali nazoratchilar ishtirokida majlis o‘tkazildi.
Yig‘ilishning dastlabki qismida tez orada start oladigan hakamlar uchun mavsumoldi o‘quv-mashg‘ulot yig‘iniga tayyorgarlik masalasi ko‘tarildi.
Qishki yig‘inning har bir qismi uchun mo‘ljallangan maxsus videoroliklar saralandi va o‘quv materiali ustida ishlandi. Shundan so‘ng, tartib-intizom kodeksining bir qancha qismlariga o‘zgartirish va qo‘shimchalar kiritildi.
Ma’lumot uchun, hakamlar uchun qishki o‘quv-mashg‘ulot yig‘ini 29 yanvar kuni boshlanadi. Ushbu yig‘indan so‘ng, professional futbol klublari hamda OAV vakillari uchun maxsus seminarlar tashkil etilishi rejalashtirilgan.