Бугун, 18 январь куни Ўзбекистон футбол ҳакамлари марказида тажрибали назоратчилар иштирокида мажлис ўтказилди.
Йиғилишнинг дастлабки қисмида тез орада старт оладиган ҳакамлар учун мавсумолди ўқув-машғулот йиғинига тайёргарлик масаласи кўтарилди.
Қишки йиғиннинг ҳар бир қисми учун мўлжалланган махсус видеороликлар сараланди ва ўқув материали устида ишланди. Шундан сўнг, тартиб-интизом кодексининг бир қанча қисмларига ўзгартириш ва қўшимчалар киритилди.
Маълумот учун, ҳакамлар учун қишки ўқув-машғулот йиғини 29 январь куни бошланади. Ушбу йиғиндан сўнг, профессионал футбол клублари ҳамда ОАВ вакиллари учун махсус семинарлар ташкил этилиши режалаштирилган.