Stefano Sensi "Inter"dan "Lester"ga o‘tadi.

Klublar 28 yoshli yarim himoyachining transferini bonuslar bilan birga 2 million yevroga kelishib oldi, deb xabar beradi Sky Sport. Bonus to‘lovlari "tulkilar"ning mavsum oxirida Premyer-ligaga yo‘l olishiga bog‘liq bo‘ladi.

Ushbu transferni yakunlashdan oldin ingliz klubi o‘zining ba’zi futbolchilari bilan xayrlashishiga to‘g‘ri keladi.

Sensi 2019 yilda "Sassuolo"dan "Inter"ga 27,2 million yevro evaziga o‘tgan edi - bu "neradzurrilar" uning ijarasi va keyinchalik sotib olishi uchun to‘lagan pul. Joriy mavsumda u Milan klubi safida barcha musobaqalarda 4 ta o‘yin o‘tkazdi va jami 65 daqiqa o‘ynadi.