Jeydon Sanchoning faoliyati to‘liq 180 darajaga aylandi: angliyalik yarim himoyachi Dortmund «Borussiya»siga qaytdi.
Iqtidorli futbolchi «MYU»da bosh murabbiy Erik ten Xag bilan hech chiqisholmaganini o‘ylasak, Bundesligaga qaytish uning uchun yaxshi variant hisoblanadi. Kelishuv o‘z-o‘zidan jarangdor va «Dortmund» sport tarixidagi buyuk lahzaga ishora qiluvchi e’lon bilan e’tiborni yanada kuchaytirdi.
I~m back ot («Qaytdim») - Bu afsonaviy Maykl Jordanning so‘zi. U beysboldan keyin basketbolga qaytganida, shu iborani ishlatgan edi. Dortmundliklar Jeydon Sancho transferini e’lon qilishdan oldin ijtimoiy tarmoqlarda qisqacha ma’lumot berishdi: «Bugun Jeydon Sancho kelajak rejalariga doir savolga oddiy javob qaytardi: «Qaytdim». Bu sport tarixidagi eng mashhur matbuot-reliziga ishora. Eslatma, Maykl Jordan 1995 yili 1,5 yillik tanaffusdan keyin basketbolga qaytgandi. Keyin MBA ofisiga lo‘nda faks kelgan: «Qaytim». E’tiborli fakt: Jordan qaytganidan atigi 10 kun o‘tgach, jahon asosiy sport arenasi - «Medison Skver Garden»dagi o‘yinda 55 ochko to‘plagandi.
Maykl Jordanning iborasi futbolda keng qo‘llanilmoqda. Jumladan, 39 yoshli Jermeyn Defo «Sanderlend» safiga shu tariqa qaytgandi. Endi esa 23 yoshli Jeydon Sancho ham shu asnoda tanishtirildi. Yozgacha mo‘ljallangan ijara kelishuvi bo‘yicha Germaniya klubi 4 million yevro to‘laydi. Shuningdek, futbolchi maoshining bir qismini ham o‘z zimmasiga oladi. Sharnomada transferni to‘liq sotib olish bo‘yicha band yo‘q. Tabiiyki, «Borussiya» Sancho tezroq avvalgi holatiga qaytishidan umidvor. «Qaytdim» iborasi tanlangani bejiz emas, albatta.
Jeydon Sancho amalda «Borussiya»ga qaytishini samarali uzatma bilan nishonladi. «MYU»da 26 avgustdan buyon biror marta maydonga tushmagan vinger Bundesliga 17-turidan o‘rin olgan «Darmshtadt»ga qarshi o‘yin (3:0)ning 55-daqiqasida zaxiradan maydonga tushdi va 77-daqiqada Marko Roys goliga assistentlik qildi. Angliyalik futbolchi 2017-2021 yillar oralig‘ida «Borussiya» sharafini himoya qilgan. U jumladan, Bundesliga-2022/2023ning 26ta o‘yinida 8ta gol va 11ta assist qayd etgandi.
