"Al-Ittifoq" va "Liverpul" klublarining sobiq yarim himoyachisi Jordan Xenderson Amsterdamning "Ayaks" klubiga o‘tishi haqida fikr bildirdi.
"Amsterdam! Men bu yerda ekanligimdan juda xursandman. Hammangizni ko‘rishni sabrsizlik bilan kutyapman”, - deb yozdi futbolchi X ijtimoiy tarmog‘ida.
Eslatib o‘tamiz, 33 yoshli yarim himoyachining "Ayaks"ga o‘tishi bir kun avval, 18 yanvar kuni ma’lum bo‘lgandi. "Sanderlend" va "Liverpul"ning sobiq futbolchisi Niderlandiya klubi bilan 2026 yilning 30 iyuniga qadar shartnoma imzoladi. Yarim himoyachi Amsterdam jamoasida oltinchi raqamda o‘ynaydi.