"Ал-Иттифоқ" ва "Ливерпуль" клубларининг собиқ ярим ҳимоячиси Жордан Хендерсон Амстердамнинг "Аякс" клубига ўтиши ҳақида фикр билдирди.
"Амстердам! Мен бу ерда эканлигимдан жуда хурсандман. Ҳаммангизни кўришни сабрсизлик билан кутяпман”, - деб ёзди футболчи Х ижтимоий тармоғида.
Эслатиб ўтамиз, 33 ёшли ярим ҳимоячининг "Аякс"га ўтиши бир кун аввал, 18 январь куни маълум бўлганди. "Сандерленд" ва "Ливерпуль"нинг собиқ футболчиси Нидерландия клуби билан 2026 йилнинг 30 июнига қадар шартнома имзолади. Ярим ҳимоячи Амстердам жамоасида олтинчи рақамда ўйнайди.