"Liverpul" bosh murabbiyi Yurgen Klopp jamoadagi kadrlar holati haqida gapirdi. Germaniyalik mutaxassisning fikricha, bir qancha futbolchilar safga qaytishga yaqin turibdi.
“Jarohatlanganlarning barchasi bilan vaziyat ijobiy, ammo ular tayyor emas. Aleksandr-Arnold, Robertson va Soboslai to‘g‘ri yo‘nalishda harakat qilishmoqda, ammo ular qachon asosiy tarkib bilan mashg‘ulotlarni boshlashlarini ko‘ramiz. "Bornmut"ga qarshi o‘yinda ular ishtirok etmaydi.
Umid qilamanki, boshqa hech kim jarohat olmaydi. "Bornmut" va balki "Fulxem" o‘yinidan so‘ng, ularning holatini ko‘ramiz. Trent, Robertson va Dominik maydonga qaytishga yaqin. Ammo bu hafta oxiri bo‘lmaydi", - dedi Klopp jurnalistlarga.
