"Ливерпуль" бош мураббийи Юрген Клопп жамоадаги кадрлар ҳолати ҳақида гапирди. Германиялик мутахассиснинг фикрича, бир қанча футболчилар сафга қайтишга яқин турибди.
“Жароҳатланганларнинг барчаси билан вазият ижобий, аммо улар тайёр эмас. Александр-Арнольд, Робертсон ва Собослаи тўғри йўналишда ҳаракат қилишмоқда, аммо улар қачон асосий таркиб билан машғулотларни бошлашларини кўрамиз. "Борнмут"га қарши ўйинда улар иштирок этмайди.
Умид қиламанки, бошқа ҳеч ким жароҳат олмайди. "Борнмут" ва балки "Фулхэм" ўйинидан сўнг, уларнинг ҳолатини кўрамиз. Трент, Робертсон ва Доминик майдонга қайтишга яқин. Аммо бу ҳафта охири бўлмайди", - деди Клопп журналистларга.
