«Nasaf» kecha Antaliyadagi yig‘in doirasida yana bir rus jamoasi bilan bellashdi. Bu safargi raqib Rossiya Premyer ligasi a’zosi, Voronejning «Fakel» jamoasi bo‘ldi.
Bellashuv teng kurashlar ostida boshlandi. Biroq uchrashuvning 17-daqiqasida raqib jarima zarbasiga ega bo‘ldi. Jarima zarbasidan berilgan to‘pni Sergey Brizgalov boshi bilan "Nasaf" darvozasiga kiritdi. 40-daqiqada Sidiqov amalga oshirgan jarima zarbasidan so‘ng G‘aybullayev to‘pni boshi bilan raqib darvozasiga kiritdi. Ammo qanot hakami G‘olib gol kiritilgan vaziyatda o‘yindan tashqari holatda bo‘lgan deb topdi.
Ikkinchi bo‘limda o‘yin nazorati qarshiliklar tomoniga o‘tdi. Vakillarimiz tomonidan tashkil qilingan hujumlar 75-daqiqada golga aylandi. Gol kiritishga harakat qilgan Kenjaboyev o‘z niyatiga yetib, hisobni tenglashtirdi. Bellashuvning 79-daqiqasida raqib futbolchisi Islom Kenjaboyevni qo‘pollik ishlatgan holda to‘xtatib qoladi. Hakam tomonidan belgilangan jarima zarbasini Marko Stanoyevich a’lo darajada amalga oshirdi va "Nasaf"ni hisobda oldinga olib chiqdi. Shu tariqa, Ro‘ziqul Berdiyev jamoasi Antaliyadagi to‘rtinchi nazorat bellashuvini ham g‘alaba bilan yakunlashdi.
Turkiya. Antaliya. 19.01.2024 | 19:30
«Fakel» - «Nasaf» - 1:2
Gollar: Sergey Brizgalov (17), Islom Kenjaboyev (75), Marko Stanoyevich (79).
«Nasaf»: Zafar Safoyev, G‘olib G‘aybullayev, Igor Golban, Zafar Hakimov, Akmal Mozgovoy, Javohir Siddiqov, Jaba Jigauri, Islom Kenjaboyev, Murodbek Rahmatov, Nodirbek Mukarov, Aslidin Tursunpo‘latov.
Zaxiradan maydonga tushganlar: Marko Stanoyevich, Shahzod Akramov, Viktor Da Silva, Asliddin Tursunpo‘latov, Bekjon Jo‘raboyev.
