"PSJ" Kilian Mbappeni tortib olayotgani uchun "Real"dan qanday qasos olishni o‘ylab qo‘ydi. Bu haqda Real Madrid Exclusivo xabar berdi.
Manbaga ko‘ra, parijliklar "Real Madrid"ning radarida bo‘lgan dunyoning eng iqtidorli markaziy himoyachilaridan birini o‘ziga jalb qilmoqchi. Gap "Lill"da to‘p tepayotgan 18 yoshli fransiyalik Leni Yoro haqida ketmoqda.
"PSJ" Yoroni klub kelajagini shakllantirishda muhim shaxs sifatida ko‘radi va uni joriy transfer oynasida sotib olish uchun hamma narsaga tayyor. OAV xabarlariga ko‘ra, fransiyalik futbolchi "Real"ga o‘tishga juda yaqin turibdi, ammo parijliklar vaziyatni o‘zgartirmoqchi.
Joriy mavsumda Yoro “Lill” safida barcha musobaqalarda 23 ta o‘yin o‘tkazib, 3 ta gol urgan. Futbolchining fransuz klubi bilan shartnomasi 2025 yilning iyun oyi oxirigacha amal qiladi.