"ПСЖ" Килиан Мбаппени тортиб олаётгани учун "Реал"дан қандай қасос олишни ўйлаб қўйди. Бу ҳақда Real Madrid Exclusivo хабар берди.
Манбага кўра, парижликлар "Реал Мадрид"нинг радарида бўлган дунёнинг энг иқтидорли марказий ҳимоячиларидан бирини ўзига жалб қилмоқчи. Гап "Лилль"да тўп тепаётган 18 ёшли франциялик Лени Йоро ҳақида кетмоқда.
"ПСЖ" Йорони клуб келажагини шакллантиришда муҳим шахс сифатида кўради ва уни жорий трансфер ойнасида сотиб олиш учун ҳамма нарсага тайёр. ОАВ хабарларига кўра, франциялик футболчи "Реал"га ўтишга жуда яқин турибди, аммо парижликлар вазиятни ўзгартирмоқчи.
Жорий мавсумда Йоро “Лилль” сафида барча мусобақаларда 23 та ўйин ўтказиб, 3 та гол урган. Футболчининг француз клуби билан шартномаси 2025 йилнинг июн ойи охиригача амал қилади.