Kataloniyaning "Barselona" klubi "Manchester Siti" yarim himoyachisi Kelvin Fillipsni o‘z safiga qo‘shib olish harakatlaridan voz kechmayapti. Jurnalist Fernando Poloning so‘zlariga ko‘ra, 28 yoshli ingliz futbolchisi "blaugrana"ning yanvar oyidagi asosiy transfer maqsadi hisoblanadi.
Qayd etilishicha, "Barselona" sotib olish imkoniyati bilan shartnomani ijara asosida rasmiylashtirmoqchi. Shu bilan birga, "ko‘k-anorranglilar" "Manchester Siti" futbolchining maoshining bir qismini to‘lashni istamoqda. Transfer ehtimoli hali past, ammo Fillipsning "Barselona"ga o‘tishini hali ham inkor etib bo‘lmaydi.
Eslatib o‘tamiz, Kelvin Yevro-2024 boshlangunga qadar muntazam o‘yin amaliyotiga ega bo‘lmoqchi.