"Manchester Yunayted" yozda yana markaziy himoyachisi Xarri Maguayr bilan xayrlashishga harakat qilishi mumkin.
Mirror xabariga ko‘ra, "mankunianliklar" 30 yoshli angliyalikni sotishni o‘ylamoqda.
Eslatib o‘tamiz, joriy mavsum boshlanishidan oldin "Manchester Yunayted" Maguayrni sotishga urinib ko‘rgandi, biroq futbolchi "Vest Xem"ga ketishdan bosh tortgandi.
Xarri qoldi va bir vaqtlar yaxshi formaga ega bo‘ldi, bu esa unga asosiy tarkibga qaytish imkonini berdi.
To‘g‘ri, o‘shanda ingliz jarohatlangan edi. "Manchester Yunayted" yozda yangi himoyachi sotib olmoqchi. Klub radarida Jan-Kler Todibo va Matteys de Ligt kabi futbolchilar bor.
